媽媽給BABY BOO的第二封信

親愛的BABY BOO,

今日爸爸媽媽再帶你去探吳醫生.  係超聲波儀器下, 爸爸媽媽見到你好活躍地郁動, 好有趣, 好可愛呀.  你仲同爸爸媽媽做左個SAY HI既動作, 連吳醫生都笑你呀!  每一次透過超聲波見到你, 媽媽都有一種說不出的感動. 每次見到你比上一次大個左, 輪廓清晰左, 好都我開心, 亦希望你會健健康康係媽媽既肚入面吸引多D營養, 健康成長, 直至我地叫你出世.

今日係一個好特別既日子, 因為吳醫生話俾爸爸媽媽知原來BOO BOO係男仔黎架.  坦白講, 媽媽一向認為你係女仔既機會大D, 因為爸爸媽媽兩邊家族都係女仔佔多數, 有你既出現, 可以平衡一下我地既男女比例喇!

知道你係男仔之後, 令媽媽醒起好耐以前, 媽媽曾經講過希望第一個小朋友係男仔, 第二個先係女仔, 因為哥哥可以照顧妹妹. 媽媽原來真係好幸福, 經常都可以隨心所欲.

爸爸知道左BOO BOO係男仔後, 已經決定你大個D, 就帶你去郊外行山露營, 爸爸又可以教你游水, 踏單車, 係草地踢波波. 係未聽到都開心呢! 咁你就要答應媽媽乖乖咁長大喇!  我同爸爸十分期待2016年1月中下旬與BOO仔見面啊!


愛你的Boo媽媽上
2015年7月

第三次私家產檢@仁安醫院

今日再到仁安見吳醫生, 心情都好緊張呀, 因為距離上一次超聲波見到baby boo已經有一個月, 唔知佢有無大個左好多呢?

去到做完伕弓例行的檢小便, 量血壓及度高後, 就等見醫生. 吳醫生都幾多人睇架, 所以都等左一陣. 見到醫生, 吳醫生就話14周喇, 問下我有無咩唔舒服. 其實進入14周, 嘔心既感覺真係略為舒緩, 希望keep住愈來愈好啦!

跟住吳醫生就俾番之前做NIFTY既報告我地, 好感恩報告係LOW RISK. 之後醫生就話同我地照超聲波, 見下BABY BOO.  醫生仲好古惑咁問我地想唔想知仔定女.....

今次BABY BOO又大個左, 有9CM長喇. 醫生一直按我既肚皮, BABY BOO就係咁旭, 腳仔踢下踢下, 仲識得用手同我地SAY HI, 連吳醫生都笑. 不過吳醫生就話BABY BOO玩野喎, 專登用隻腳仔遮住下身, 唔俾醫生睇佢係男仔定女仔, 講講下, 佢仲屈埋隻腳TIM.  醫生好盡力咁照, 仲用個超聲波震我個肚, 希望BABY BOO唔好遮住. 最後, 終於都睇到喇!  咁究竟BABY BOO係男仔定女仔呢? 唔講住. HAHA.

今次檢查, 醫生話BABY BOO既生長都配合周數, 不過我既胎盤有D低,  好彩醫生都話前期都會有好多人有呢個情況, 希望可以慢慢升返上去啦!  千期唔好係胎盤前置呀! 

BABY BOO, 你要繼續乖乖, 痴實媽咪, 好好咁係媽咪度健康成長!

大肚照 (13 WEEK)

又到每周一相既時間喇!

     仲見到條腰. HEE HEE :)

      
今次MILK MILK都入鏡呀!
                                               

BOO爸BOO媽上學去

由於BOO爸BOO媽對於懷孕及照顧BB的知識真係乏善足陳, 所以我都好留意有無產前講座可以上, 惡補一下.  不過原來市面上免費既產前講座真係好受歡迎架, 一般報左名都要睇下抽唔抽中先有得上, 有幾個講座報左名都抽唔中.

免費既未有得上, 就惟有上D要交學費架啦. 仁安醫院有一個以6堂為單位既講座, 每堂1.5小時, $1,100可以供2位參加, 每次上堂前仲有REFRESHMENT, 可以連晚飯都慳返. 7月23日係第一堂, 跟住連續6個星期四晚上都會黎仁安上堂喇.

其實我真心覺得個講座係貴架, 點知上堂都好多同學仔, 宜家D準爸媽為左BB真係好捨得呀!

NEW LOOK FOR BABY BOO

一早其實都打算修剪下把頭髮, 因為實在太長, 髮質又太差. 不過知道有左BABY BOO後, 就決定剪短D, 方便打理. 今日趁OFFICE唔係太忙, 攞左半日假去阿BEN度, 佢以為我好似平時咁電髮. 點知我同佢講淨係剪, 唔電得呀, 佢就好醒目咁問我係唔係有左! :>

佢知道都好開心, 其實次次去阿BEN度, 佢都叫我快D考慮下生BB, 今次見到佢, 估唔到真係報喜喇!
                                                
自從大學YEAR2暑假之後, 就無試過頭髮短過肩. BY THE WAY, 呢張相無美圖修修架!

有媽的孩子像個寶

自從話左俾媽媽知我有左後, 媽媽每個WEEKEND都會煲定靚湯俾我飲, 花膠呀, 海參呀, 鮑魚之類. 媽媽既湯水用料靚, 又好飲. 幾時都話"有媽的孩子像個寶"!  我好幸福呀!

大肚照 (12WEEK)

終於都到WEEK12喇！不過如果計日數，都係未夠3個月，所以有好多懷孕參考書都將WEEK13甚至WEEK14先為之踏入懷孕中期。不過呢個禮拜，個肚真係大左呀，正面睇都覺呢！

娃娃

今日放左工去左荃灣搵老公食晚飯, 之後係愉景新城發現左間荷花, 忍唔住要入去行下.


                           呢個BB公仔真係好似呀!

                                   母性大發, 抱上手玩下先! 一睇就知我唔識抱B. HAHA!

愈唔食得愈想食

自從踏入大約第8第9周，雖然無咩嘔，不過個胃就係咁頂住頂住，真係咩胃口都無晒。成日想食既就係Ｄ唔健康既野食，例如煎炸野呀，辣野呀，甜品呀，呢Ｄ就想食囉。仲唔知攞景定贈慶，今年開左好多特色雪糕店，出左好多新既雪糕口味，真係好想食。不過我暫時都忍到口，係有時痴下老公食幾啖出前一丁。

不過有幾次食飯既時候見到老公飲可樂，真係好想飲呀！見到Ｄ氣＂炸炸＂聲咁，好魔鬼囉！於是我就決心要買定一罐無咖啡因可樂係屋企看門口，以免有一日真係忍唔住！我仲有諗過如果唔飲得凍既，咁煲薑可樂囉！

　　　　　　　　　　老公發現我罐可樂即刻笑我！我都估唔到一買就俾佢發現！

大肚照 (11WEEK)

呢排Ｄ日子好似過得時快時慢咁，好似等好耐BOO BOO係我個肚都未夠三個月，等好耐都未到下一次產檢去睇BOO BOO。但係每個禮拜一影大肚照，又覺得咁快又影既。

　　　　　　　　　正面睇都係無咩分別咁！條腰仲係度！HEE HEE!

                                                   
                                                    側面又好似大左少少喎！

　　　　　　　　　　　　　同吉吉的招牌合照

Ｕ型睡枕

由檢到bingo後，唔知係未型住型住咁，訓覺係時間個肚都好似唔知點好，其實我都係習慣向左側睡，而一般醫生都話向左側睡對媽媽同ＢＢ都好，不過訓醒條腰骨就有Ｄ痛。於是我好早就已經上網係美國網購左呢個Ｕ型睡枕。香港一般有得賣係孕婦睡枕都係單邊既，而呢一個就係Ｕ型，令身體兩邊都有承拓。ＢＢ出世後，呢個枕頭仲可以一邊俾媽媽挨住，一邊拓住ＢＢ食奶呢！

一用左呢個枕頭後，我真係再無腰骨痛，我後來仲發現連＂犀利人妻＂既靚靚隋棠都係用呢個枕頭。靚媽果然Ｄ眼光都係一樣咁好！ＨＡＨＡＨＡ！

安產御守

大家姐一家三口去左日本東京玩左5日, 我當然受惠不少啦, 收到好多手信呀. 其中呢個守護符好有心思呀! 希望BABY BOO健健康康係我個肚長大!　要一切順順利利呀！

大肚照 (10 WEEK)

眨下眼又一個禮拜啦! 去相!

正面睇都係差唔多啦!

 E.....側邊望好似大左D喎!

 與吉吉的指定動作!

 MILK MILK都入鏡呢!

講唔講好呀?!

由知道有左BOO BOO後, 我地都知道唔好隨便同其他人講住, 原因係醫學上頭3個月, 十分唔穩定, 而中國傳統上, 亦擔心BB小氣. 所以我都無特登同媽咪講, 唯一有講既, 就係同已經係另一個世界既爸爸講. 不過由於我有戒口, 所以精靈既媽咪端午節飲茶既時候就問我係唔係有左, 咁我唔否認啦. 其實媽咪早D知道都好, 等我可以有多D靚湯飲!

至於老爺奶奶, 老公成日都話唔想咁早話佢地知, 我就隨佢喜歡啦. 不過可能今日照完超聲波, 老公見到BABY BOO太開心, 佢終於決定要將呢個消息同老爺奶奶分享. 於是我地下午就搵左老爺奶奶食TEA. 

老公一貫大細路既性格, 咩都唔講, 一見到老爺奶奶就將BOO BOO張超聲波俾佢地睇. 兩老隻眼朦查查, 都唔知係咩. 奶奶見到仁安醫院幾隻字, 仲好擔心咁問邊個唔舒服.  老公話佢知係BB超聲波, 奶奶仲問邊個有左!!!  AI....我終於忍唔住, 叫老公快D話俾兩老知咩事. 佢地可能已經接受左我地唔生BB既現實, 一聽到我有左, 簡直唔信咁, 俾唔到反應, 起碼過左5秒先見到奶奶識笑.

不過我相信佢地真係好開心既!

第二次私家產檢@仁安醫院

原本約左吳醫生6月25日做第二次產檢, 不過由於醫生臨時有事, 於是就將檢查順延左一個禮拜. 今日終於可以見到BABY BOO喇.

同上次一樣, 檢完小便同磅重, 跟住就見醫生. 首先都係照超聲波先. 一訓係度, 吳醫生先按下我個腹, 問我有無唔舒服, 跟住就笑住咁話我小腹開始有D漲, 佢仲一摸就摸到BABY BOO呀!  我即刻同醫生講話: "係啦, 個肚好漲呀".  點知醫生話上腹位置只係腸脹, 主要是氣體. 老公聽完, 之後係咁笑我!!!!

跟住醫生就幫我照超聲波. 嘩! BABY BOO比上一次大左好多呀, 上次只係見到一粒豆, 今次已經見到人既初型喇! 醫生一路照, 我地仲見到BOO BOO係咁郁. 醫生好好人咁話俾我地聽邊到係手, 腳, 頭同PAT PAT. 醫生仲幫BOO BOO睇埋頸皮, 話大約1點幾, 應該都無咩問題.

照超聲波有個小插曲就係原來老公唔知佢前面有個好大既電視可以睇到超聲波既影像, 佢傻豬豬咁哄過去睇醫生個細MON, 而佢個頭就即刻遮晒個電視, 搞到我咩到睇唔到. 我拿拿林叫佢縮開個頭啦.  好傻豬呀!!

今次度到BOO BOO有大約3.3CM長, 醫生亦將我的預產期FINE-TUNE左一日, 延至2016年1月27日.

每次照超聲波見到BOO BOO都好興奮, 今次醫生開埋聲音, 俾我地聽下BOO BOO既心跳聲, 砰砰砰, 每分鐘跳成170下, 生命真係好神奇.

老公話佢見到BOO BOO手仔腳仔郁下郁下咁, 佢忍唔住咇左滴眼淚出黎呀!