BINGO!

係心情既緊張又忐忑的狀態下, 一個星期終於過去了, 今日會再去診所驗尿, 希望HGC指數有上升, 兩條線夠深, 醫生肯出證明俾我啦. 其實我真係好驚呀, 星期日自己偷偷地去萬寧買左支同診所同一個牌子既棒棒, 係屋企驗. 好彩都好快有兩條深色線, 希望可以順利過關啦.

9點15分去到診所, 點知姑娘話醫生塞車要遲D返, 我真係好後悔睇呢個醫生囉. 咁唯有去食個早餐先啦. 最後等到差唔多10點半, 醫生終於返到, 仲好快叫左我入去. 佢今次終於都肯寫證明俾我, 不過就無好似人地D醫生咁話恭喜我, 淨係問我要唔要佢寫REFERRAL LETTER. 傻架咩, 唔使寫做咩要睇你喎! 另一搞笑地方係人地D證明信會講預產期幾時, 佢又唔寫, 淨係話我係EARLY PRENANGCY. 唔知係未先入為主, 我真係覺得呢個醫生唔得囉!  另外, 佢咁又收我左我$200!!!


意義深長的兩條線