大肚照 (18 WEEK)



18周的我, 肚肚繼續慢慢地大起來!



 

 

                                                 本周由MILK MILK代替吉吉陪媽媽合照

準爸爸

自從有左BOO BOO後, 媽媽既媽媽, 即BOO BOO既婆婆都會每逢WEEKEND煲湯俾我飲. 今日去到婆婆屋企飲湯, BOO爸竟然發現婆婆屋企有可樂飲, 仲要係為佢度身而設TIM.

我至愛的準爸爸- BOO 爸

 

大肚照 (17 WEEK)

上個禮拜偷懶左, 無影到相. 今個星期有無大進展呢?

好似都係差唔多咁. haha!

請到工人姐姐喇!

上次講到我地既FIRST CHOICE工人唔TAKE OFFER, 於是我地火速叫AGENT問下一個做唔做.  呢個姐姐都諗左幾日, 初時我同BOO爸都覺得佢唔做既機會大, 都預左要上得成走多轉, 再揀過. 點知最後姐姐接個JOB.  希望一切順利, 佢乖乖地咁黎幫我地手啦!

呢個姐姐叫MARJORIE, 29歲, 離左婚, 有個1歲既女女. 佢之前係菲律賓幫一個澳洲家庭做過2年HELPER, 所以都有湊NEW BORN經驗. 另外, 佢自己仲有養一隻大狗TIM. 所以我都幾放心佢唔會驚吉吉.  呢個姐姐另一個優點就係佢既英文口音唔錯, 溝通應該都不成問題.  唔好就係佢女女太細, 驚佢唔捨得, 黎到會HOME SICK.  不過都唔驚得咁多!

好開心完成左請工人呢個BIG TASK, 希望一切順順利利啦!

產前運動

再到仁安聽產前講座, 而今日既題目係產前/後運動, 所以仁安一早就提醒準媽媽要著運動服上堂.

呢日上堂都幾好玩, 起碼無淨係聽書咁悶, 不過由於一個講者對咁多個學生, 始終唔可以慢慢每個指導, 所以吸收幾多, 掌握幾多就好靠個人天份喇!  我自問都無咩運動細胞, 唔知有無掌握到一半呢! HAHA!

我暫時都好懶, 都仲未肯"的"起心肝做呢D產前運動啊!

工人姐姐搵到未?

繼星期六聽完講座後, 今日因為放假, 所以就同BOO爸去左錦繡間外傭AGENT, EXPLORE 下點請工人. 一入到AGENT度, 我地講左要求後, 職員就俾左一D姐姐我地揀. 其實有D個PROFILE都好合用, 不過個D已經俾人請晒. 最後我地都揀左兩個候選人, AGENT仲即時打電話俾姐姐做PHONE INTERVIEW.

第一個傾落都唔錯, 不過佢對於狗, 就只係話唔係大狗就OK. 其實點分大細? 吉吉始終較敏感, 如果工人姐姐有少少怕狗, 我都會有D擔心. 至於第二個, 電話就始終接不上. 

由於請工人影響好大, 正常都希望個工人姐姐可以做到完約, 甚至繼續續約. 所以我地都決定睇多幾間AGENT.

於是下午我地去左海外僱傭同得成. 海外僱傭D姐姐完全唔合我地既要求, 反而得成既選擇較多, 而且都好似唔錯, 唯一唔好就係只有VIDEO睇, 無得INTERVIEW. 不過其實短短幾分鐘INTERVIEW, 都係做場戲, 我同BOO爸始終覺得請工人係BY LUCK.  最後我地係得成揀左個係馬來西亞做過HELPER既姐姐. 

不過呢個姐姐最後都無接我地個OFFER.  雖然係咁, 我地好感欣佢一開始就唔TAKE, 而唔係到最後先放我地飛機. :P  咁就唯有睇下我地SECOND CHOICE個姐姐接唔接喇!

大肚照 (15 WEEK)

15周喇, 好感恩順順利利地踏入孕期既第二階段. 希望BOO BOO繼續乖乖地係我肚肚內健康成長, 到時間夠先出黎同大家見面.

                                                   
                                                    咦! 今個星期好似大左D啊!   

工人姐姐

知道有左後, 除左請陪月姨姨, 長遠而言, 就係要請工人姐姐喇! 我其實都知BOO爸唔想請工人, 因為唔想多個陌生人係屋企. 不過我地都無得選擇.  BOO BOO既爺爺嫲嫲同婆婆年紀都大, 身心體能上都無可能照顧到BOO BOO, 加上多左個BB, 家務會多左好多, 所以點都要請個人幫輕下.

平時都會聽到香港人請外傭既不愉快經驗, 所以都有EXPLORE下可唔可以請本地保母, 再加鐘點, 不過本地保母唔多人做, 而且人工分分鐘要一兩萬一個月, 真係負責唔起呀.  咁唯有博下運氣, 希望請到個好既外傭啦!

我地用個間陪月公司UBABY同一間外傭AGENT搞左一個請外傭既講座, 星期六一於叫埋BOO爸去聽, 睇下有咩要留意.  講座內容都好充實, 提點左我地呢D未請過工人要留意既地方. 

聽完講座後, 我同BOO爸都有共識會請菲律賓姐姐, 雖然知道菲律賓姐姐一般無印尼姐姐咁聽話, 不過佢地既衛生意識會高D, 呢點對照顧初生BB好重要. 另外, 我地會選海外既, 因為本地既姐姐會好揀擇, 通常有NEW BORN, 又住HOUSE既, 又有狗, 佢地應該都唔會做架喇!

另一方面, 原來請海外工人, 需時要大既3個半月, 數數手指, 我同BOO爸都係時候去搵AGENT 請姐姐喇!

大肚照 (14 WEEK)

眨下眼又一個禮拜喇! 不過我磅數暫時都未有上升, 個肚亦唔係大左好多. 除非主動話俾人聽, 就咁睇都唔會知我有左. ^0^


                                                  今個星期MILK MILK做左吉吉個POST!

                                              
                                                    正面無野睇!

                                     
                                      側面有少少肚腩仔. HAHA! 咦! 妹妹黎左渡假, 3個毛小孩幾HAPPY!